Gurindam Silek Basambuang.
PANDEKA HARIMAU AGAM.
--------------------------
Episode:
Tuah Pikek Harimau Bag 3
( Saruan Alam Bunian.)
Batang kayu panuah lumuik
Dari tunggua sampai ka dahan
Bagoyang kancang di ambuih ribuik
cando gabik tangan siluman
Talago dewi gunuang singgalang
Manyimpan banyak kisah misteri
Angker tasabuik nan dek urang
Masih picayo nan sampai kini
Tatapek sudah di muko bana
Si inyiak balang kini baranti
Dibaliak mato nan merah saga
Bakcando kilek cahayo api
Antah di ma datang suaro
Lunak babisiaki jaleh didanga
Barek tatapi ba wibawo
Tangah talago raso manggaga
anak manusia banamo agam
alah wakatu rasonyo kini
maruruik kisah maso silam
garihnyo muyang batali tali
maso janjian nan lah sampai
waktu jo jangko alah babilang
panyambuang sayuik jo mambilai
apo nan kurang maso balakang
buangl ragu dalam badan
campakkan jauah cameh didado
cukuik takuik kapado tuhan
nan punyo alam jo jagat rayo
bangkiklah wahai cucu rang minang
buang cameh jauah jauah
masuak lah dalam talago gadang
apo tajadi usah di rusuah
bak kabau tacucuak hiduang
Mulai tatagak disalo takuik
suok kida ta huyuang huyuang
Bak ilalang di ambuih ribuik
Cando dibimbiang bisikan datang
Dagang bajalan kini kamuko
Ka arah tagak si inyiak balang
Manunggu tibo tangah talago
Satapak agam malangkah
Siap tabanam dalam talago
Hati bimbang basalo rasah
Abihlah badan dalam cilako
Dalam talago badan lah lucuik
bakungkuang ayia nan sabalik
Adam bak raso katacaguik
Barangok jaleh manjadi sulik
Sapandai pandai angok ditahan
Tantulah ado bateh manusia
Indak bakcando insangnyo ikan
Mamilah ayia jo udara
Agam kini bak hilang aka
Tapi apolah kadayo badan
Bambantah langkah raso tak bias
Sabara kuek nak manahan
pasrah badan apo tajadi
nyampang bak nan ko nyao malayang
Santano garih jalannyo mati
Salamaik tingga oo ranah minang
Aliran darah mulo kacau
Danyuik jantuang raso baranti
Pandangan mato lah mulai silau
Siap manuju namonyo mati
sadatiak nyao malayang
ayia panuah di rongga dado
tibo manimpo cahayo tarang
datang nan dari dasar talago
sakujua tubuah agam di baluik
dari rambuik sampai kakaki
cahayo masuak kadalam muluik
sampai kajantuang sarato hati
dabua jantuang mulo badatak
badan taraso malayang ringan
kaduo mato kini dibukak
indak picayo raso di badan
didasar dalam talago dewi
batu tatagak gadang gadang
ikan balalu lalang kamari
jaleh jo nyato nan agam pandang
cando malangkah di ateh tanah
agam dibimbiang arah salatan
tapek di muko dindiang nan megah
bantuak gapura urang Hindustan
sakian waktu agam tadiam
apo nan lai badan pabuek
didasar talago badan tabanam
takuik kok langkah babuah sasek
sadatiak lapeh agam bapikia
dasar talago raso baguncang
sairiang datang pusaran ayia
mambantuak lorong sarato lubang
dindiang gadang bantuak gapuro
kini bakcando bantuak tabalah
gerbang gadang di muko mato
agam tagolek jatuah katanah
dimalah badan barado
apo di caliak yo ganjia bana
tadi di dasar dalam talago
kini kok baliak tibo di dunia
suok kida rancak basusun
si rumah gadang gonjoang tatagak
peris bak kampuang atau dusun
urang balalu lalang yo banyak
di aliah pandang kaarah kida
ragulah agam dalam bapikia
banyak nan aneh sarato jangga
apo di ;iek sabana ganjia
batang kayu warna balain
rumpuik tumbuah barono biru
tanah dipijak bak cando camin
dapek bakaco badan di situ
langik tampak rado lindok
cando wakatu jalang mugarik
awan bawarna unggu galok
babungka bungka di ateh langik
dimalah kini tasasek badan
tanah batuah mano tatampuah
sadang larek dalam pikiran
dari jauah lah nyato tampak
harimau balang samulonyo
ado di dasar talago dewi
kini ma ampia datang baduo
basamo surang laki laki
babaju gembong hitam rono
saluak talakek nan di kapalo
dicaliak bana rawuik jo muko
jaleh nan tampak roman nan tuo
nyampang di hituang dibilang bilang
salapan puluah mungkin lah lai
si urang tuo kini lah datang
manuju tampek Agam ko kini
Salamaik datang oo cucu ambo
Dagang banamo Agam Gumanti
Anak kanduang Lembang mangkuto
Dari nan lerang gunuang marapi
Manyambuik tibo Alam bunian
Salapih tipih jo dunia fana
Alah manjadi bantuak suratan
Garih jo takdir dari Ta’alla
Panyambuang tali nan lah putuih
Palanjuik tuah nan lah hilang
kamambayia jo manabuih
pamanuah han cupak jo gantang..
Apo nan bana katajadi
Tasasek dalm Alam bunian
Baa kisahnyo Agam Gumanti
Lain wakatu kito lanjuikkan...
(Yovi Ottera.)
PANDEKA HARIMAU AGAM.
--------------------------
Episode:
Tuah Pikek Harimau Bag 3
( Saruan Alam Bunian.)
Batang kayu panuah lumuik
Dari tunggua sampai ka dahan
Bagoyang kancang di ambuih ribuik
cando gabik tangan siluman
Talago dewi gunuang singgalang
Manyimpan banyak kisah misteri
Angker tasabuik nan dek urang
Masih picayo nan sampai kini
Tatapek sudah di muko bana
Si inyiak balang kini baranti
Dibaliak mato nan merah saga
Bakcando kilek cahayo api
Antah di ma datang suaro
Lunak babisiaki jaleh didanga
Barek tatapi ba wibawo
Tangah talago raso manggaga
anak manusia banamo agam
alah wakatu rasonyo kini
maruruik kisah maso silam
garihnyo muyang batali tali
maso janjian nan lah sampai
waktu jo jangko alah babilang
panyambuang sayuik jo mambilai
apo nan kurang maso balakang
buangl ragu dalam badan
campakkan jauah cameh didado
cukuik takuik kapado tuhan
nan punyo alam jo jagat rayo
bangkiklah wahai cucu rang minang
buang cameh jauah jauah
masuak lah dalam talago gadang
apo tajadi usah di rusuah
bak kabau tacucuak hiduang
Mulai tatagak disalo takuik
suok kida ta huyuang huyuang
Bak ilalang di ambuih ribuik
Cando dibimbiang bisikan datang
Dagang bajalan kini kamuko
Ka arah tagak si inyiak balang
Manunggu tibo tangah talago
Satapak agam malangkah
Siap tabanam dalam talago
Hati bimbang basalo rasah
Abihlah badan dalam cilako
Dalam talago badan lah lucuik
bakungkuang ayia nan sabalik
Adam bak raso katacaguik
Barangok jaleh manjadi sulik
Sapandai pandai angok ditahan
Tantulah ado bateh manusia
Indak bakcando insangnyo ikan
Mamilah ayia jo udara
Agam kini bak hilang aka
Tapi apolah kadayo badan
Bambantah langkah raso tak bias
Sabara kuek nak manahan
pasrah badan apo tajadi
nyampang bak nan ko nyao malayang
Santano garih jalannyo mati
Salamaik tingga oo ranah minang
Aliran darah mulo kacau
Danyuik jantuang raso baranti
Pandangan mato lah mulai silau
Siap manuju namonyo mati
sadatiak nyao malayang
ayia panuah di rongga dado
tibo manimpo cahayo tarang
datang nan dari dasar talago
sakujua tubuah agam di baluik
dari rambuik sampai kakaki
cahayo masuak kadalam muluik
sampai kajantuang sarato hati
dabua jantuang mulo badatak
badan taraso malayang ringan
kaduo mato kini dibukak
indak picayo raso di badan
didasar dalam talago dewi
batu tatagak gadang gadang
ikan balalu lalang kamari
jaleh jo nyato nan agam pandang
cando malangkah di ateh tanah
agam dibimbiang arah salatan
tapek di muko dindiang nan megah
bantuak gapura urang Hindustan
sakian waktu agam tadiam
apo nan lai badan pabuek
didasar talago badan tabanam
takuik kok langkah babuah sasek
sadatiak lapeh agam bapikia
dasar talago raso baguncang
sairiang datang pusaran ayia
mambantuak lorong sarato lubang
dindiang gadang bantuak gapuro
kini bakcando bantuak tabalah
gerbang gadang di muko mato
agam tagolek jatuah katanah
dimalah badan barado
apo di caliak yo ganjia bana
tadi di dasar dalam talago
kini kok baliak tibo di dunia
suok kida rancak basusun
si rumah gadang gonjoang tatagak
peris bak kampuang atau dusun
urang balalu lalang yo banyak
di aliah pandang kaarah kida
ragulah agam dalam bapikia
banyak nan aneh sarato jangga
apo di ;iek sabana ganjia
batang kayu warna balain
rumpuik tumbuah barono biru
tanah dipijak bak cando camin
dapek bakaco badan di situ
langik tampak rado lindok
cando wakatu jalang mugarik
awan bawarna unggu galok
babungka bungka di ateh langik
dimalah kini tasasek badan
tanah batuah mano tatampuah
sadang larek dalam pikiran
dari jauah lah nyato tampak
harimau balang samulonyo
ado di dasar talago dewi
kini ma ampia datang baduo
basamo surang laki laki
babaju gembong hitam rono
saluak talakek nan di kapalo
dicaliak bana rawuik jo muko
jaleh nan tampak roman nan tuo
nyampang di hituang dibilang bilang
salapan puluah mungkin lah lai
si urang tuo kini lah datang
manuju tampek Agam ko kini
Salamaik datang oo cucu ambo
Dagang banamo Agam Gumanti
Anak kanduang Lembang mangkuto
Dari nan lerang gunuang marapi
Manyambuik tibo Alam bunian
Salapih tipih jo dunia fana
Alah manjadi bantuak suratan
Garih jo takdir dari Ta’alla
Panyambuang tali nan lah putuih
Palanjuik tuah nan lah hilang
kamambayia jo manabuih
pamanuah han cupak jo gantang..
Apo nan bana katajadi
Tasasek dalm Alam bunian
Baa kisahnyo Agam Gumanti
Lain wakatu kito lanjuikkan...
(Yovi Ottera.)
